Abhi tau rut badalni thi abhi tau phool khilnay thay
abhi tau shaam dhalni thi abhi tau zakhm silnay thay

Abhi tau serzameen-e-jaaN pe ik baadal ko ghirna tha
abhi tau wasl ki baarish meiN nangay paaoN phirna tha

Abhi tau kasht-e-ghum meiN ik khushi ka khwab bona tha
abi tau sainkRoN sochi hui baatoN ko hona tha

Abhi tau saahiloN pe ik hawa-e-shaad chalni thi
abhi jo chal rahi hai ye tau kuchh din baad chalni thi!